| Ümumi təsvir |
| Təsnifatın tam adı | Vaxtdan istifadə statistikası üçün fəaliyyətlərin təsnifatı |
|---|
| Abreviatura | VİSÜFT |
|---|
| Hazırlayan təşkilat | Dövlət Statistika Komitəsi |
|---|
| Hüquqi əsas | Azərbaycan Respublikası Dövlət Statistika Komitəsi kollegiyasının 2022-ci il 26 yanvar tarixli 1/4 nömrəli qərarı ilə təsdiq edilmişdir. |
|---|
| Tətbiq edilmə tarixi | 26.01.2022 |
|---|
| Əvvəlki versiya | - |
|---|
| Strukturu | Təsnifat əsas bölmələrdən, bölmələrdən və qruplardan ibarət üç səviyyəli iyerarxik struktura malikdir. Fəaliyyətlər 3 səviyyədə və aşağıdakı kimi qruplaşdırılır:
a) Birinci səviyyə, birrəqəmli kod və ya “əsas bölmə” - ən az təfsilatlı səviyyəni və ya fəaliyyətlərin ən geniş qrupunu təmsil edir;
b) İkinci səviyyə, ikirəqəmli kod və ya “bölmə” - əvvəlkindən fərqli olaraq daha təfsilatlı fəaliyyətləri təmsil edir;
c) Üçüncü səviyyə, üçrəqəmli kod və ya “qrup” - xüsusi fəaliyyətləri detallı təsvir edən təsnifatın ən təfsilatlı səviyyəsi hesab edilir.
Təsnifat 9 əsas bölmədə və 56 bölmədə təsnifləşdirilən 165 qrupu əhatə edir.
Fəaliyyətlər daha təfsilatlı səviyyəyədək (qrup) kodlaşdırılır. Üçrəqəmli qruplara ayrılmayan bölmələr üçün ikirəqəmli kodlara sıfır (0) əlavə edilməklə onlar üçrəqəmli kodlar kimi verilmişdir. |
|---|
| Qısa təsviri | “Vaxtdan istifadə statistikası üçün fəaliyyətlərin təsnifatı” Azərbaycan Respublikası Prezidentinin 2018-ci il 14 fevral tarixli, 3672 nömrəli Sərəncamı ilə təsdiq olunmuş “2018-2025-ci illərdə Azərbaycan Respublikasında rəsmi statistikanın inkişafına dair Dövlət Proqramı”nın 5.2.5-ci yarımbəndinin icrasını təmin etmək məqsədilə işlənib hazırlanmışdır. Bu təsnifat Birləşmiş Millətlər Təşkilatının Statistika Şöbəsi tərəfindən təsdiq edilmiş “International Classification of Activities for Time Use Statistics (ICATUS 2016)” sənədinə uyğun beynəlxalq səviyyədə qəbul edilmiş anlayışlar, təriflər və prinsiplər əsasında hazırlanmışdır. Təsnifatda insanın bir sutkada, yəni 24 saat ərzində vaxtını keçirə biləcəyi bütün fəaliyyətlər təsnifləşdirilmişdir. Təsnifatın hazırlanmasında məqsəd standart strukturdan istifadə etməklə müəyyən dövr ərzində vaxtdan istifadəyə dair ölkələrarası müqayisə edilə bilən milli statistik məlumat istehsalını təmin etməkdir. Təsnifat məlumatların toplanması üçün istifadə edilən üsullardan asılı olmayaraq, vaxtdan istifadəyə dair standart anlayış və tərifləri əhatə edən bir strukturu ehtiva edir. |
|---|
| Əlaqədar təsnifatlar | Məşğulluğun beynəlxalq standart təsnifatı (ISCO)
Bütün növ iqtisadi fəaliyyət növlərinin beynəlxalq standart sahə təsnifatı (ISIC)
Məşğulluq Təsnifatı (MT) |
|---|
| Təsnifat ailəsi | Digər |
|---|
| Tətbiq sahəsi | Həyat keyfiyyətinin statistikası (Əhalinin vaxtdan istifadəsinə dair seçmə statistik müayinə) |
|---|
| Təsnifatın əldə edilmə mənbəyi | Dövlət Statistika Komitəsinin rəsmi internet səhifəsi: https://www.azstat.org/tesnifat/ https://www.stat.gov.az/menu/5/classifications/ |
|---|
| Dil | Azərbaycan dili |
|---|
| Cavabdeh təşkilatın adı və ünvanı | Azərbaycan Respublikası Dövlət Statistika Komitəsi,
AZ 1136, Bakı şəhəri, İnşaatçılar prospekti, 81. |
|---|
| Təşkilatın məsul struktur bölməsi | Keyfiyyətin idarə edilməsi və metaməlumatlar şöbəsi, Metaməlumatlar və təsnifatlar sektoru |
|---|
| Əlaqə üçün məsul şəxs | Vüqar Məmmədəlizadə,
Lalə Salamzadə |
|---|
| Əlaqə üçün məsul şəxsin e-poçtu | vugar.mammadalizade@stat.gov.az,
lala.salamzade@stat.gov.az |
|---|
| Əlaqə üçün məsul şəxsin telefon nömrəsi | Tel.: (+994 12) 377-10-70 (22-01);
(+994 12) 377-10-70 (22-56) |
|---|